Leavenworth Street

Pinakabagong impormasyon tungkol sa Pasasara ng StoryMap: Salamat po sa inyong pagbisita sa Leavenworth Quick-Build Project Virtual Open House (Pagbibigay-Impormasyon na Bukas sa Lahat at Isasagawa sa Pamamagitan ng Internet na ukol sa Mabilisang Proyekto sa Leavenworth)! Sarado na ngayon ang pagkokomento ng publiko sa Open House. Kasalukuyan naming pinag-aaralan ang mga natanggap na opinyon at naghahanda para sa Pampublikong Pagdinig (Public Hearing). Mananatiling buhay ang site na ito upang masiyasat pa rin ng publiko ang proyekto at makakuha sila ng iba pang impormasyon.  

(pakipili ang iyong mas gustong wika sa ibaba)

 Welcome!  |    歡迎!  | ¡ Bienvenido !|  Chào mừng!  |  أهلا بك  |  Добро пожаловать!  |  Mabuhay! 

Salamat po sa inyong pagsali sa Leavenworth Quick-Build Project Open House (Pagbibigay-Impormasyon na Bukas sa Lahat at Isasagawa sa Pamamagitan ng Internet na ukol sa Mabilisang Proyekto sa Leavenworth)! Isa po itong pagkakataon para malaman pa ninyo ang tungkol sa Leavenworth Quick-Build Project. Hinihingi po namin ang inyong opinyon tungkol sa mga posibleng disenyo ng kalye para sa koridor na ito, at nang mas higit naming matugunan ang inyong mga pangangailangan para sa kaligtasan. Puwede ninyong direkta nang mapuntahan ang mga mungkahing disenyo ng kalye gamit ang toolbar na nasa itaas, o puwede kayong magpatuloy sa pag-iiscroll upang malaman pa ang tungkol sa konteksto ng proyekto. 

Puwedeng mapuntahan ang website ng Open House (na kilala rin bilang storymap) para sa pagbibigay ng opinyon mula Disyembre 15, 2020 hanggang Enero 15, 2021. Bagamat live (napapanood mismong sa oras na nagaganap) ang Open House, puwedeng maugnayan ang mga kawani sa pamamagitan ng email, at malugod din namin namin kayong tatanggapin sa aming mga oras ng pag-oopisina para sa mga karagdagang tanong. 

Pinakamainam na natitingnan ang Open House storymap website sa pamamagitan ng web browser sa laptop o browser, pero mapupuntahan din ito gamit ang tablet o iba pang mobile na kagamitan.

May navigation bar sa itaas ng web page na matutulungan kayong pumunta sa mga espesipikong seksiyon na interesado kayo, tulad ng impormasyon tungkol sa kaligtasan, mungkahing disenyo, at iskedyul ng proyekto. Kung hindi naman, para sa kabuuang konteksto ng proyekto, inirerekomenda namin ang pag-iiscroll mula sa simula hanggang sa dulo. 

Para mag-iwan ng tanong o komento, pakibisita ang seksiyon ukol sa “Opinyon", na matatagpuan sa navigation bar na nasa itaas o nasa pinaka-ibaba ng web page na ito. Puwede rin ninyong direktang mapuntahan ang sarbey ukol sa mga opinyon (feedback survey sa Ingles)  dito . 

Kapag nagkaroon kayo ng problema sa web page na ito, mangyaring magpadala ng email sa  TLStreets@sfmta.com .

Tulong sa wika:

 Contact 311  - Free language assistance / 免費語言協助 / Ayuda gratis con el idioma / Бесплатная помощь переводчиков / Trợ giúp Thông dịch Miễn phí / Assistance linguistique gratuite / 無料の言語支援 / 무료 언어 지원 / Libreng tulong para sa wikang Filipino / การช่วยเหลือทางด้านภาษาโดยไม่เสียค่าใช้จ่าย /خط المساعدة المجاني على الرقم

May pangako ang SFMTA na kompletuhin ang dalawang proyektong quick-build o mabilisang konstruksiyon sa Tenderloin at nang mapaghusay ang mga kondisyon ng trapiko para sa lahat ng gumagamit ng daan sa mga koridor na ito. Nagmumula ang pagsusumikap na ito sa mahigpit na paghiling ng komunidad ng Tenderloin para sa mas malalaking pamumuhunan sa mga solusyon para sa kaligtasan sa trapiko. Ipatutupad ang quick-builds sa Golden Gate Ave (mula Market hanggang Polk streets) at sa Leavenworth St (mula McAllister hanggang Post streets).

Magsasagawa ang proyektong ito ng mabibilis at nababago-bago na pagpapahusay para sa kaligtasan ng trapiko, kung saan bibigyan ng prayoridad ang pinakabulnerableng mga gumagamit ng daan sa pamamagitan ng pagbabawas ng lane, pasilidad para sa ligtas na paglalakad at pagbibisikleta, at pamamahala sa curb o gilid ng mga bangketa.

Dahil sa pagiging malapit sa isa’t isa, magsasagawa ang mga Mga Proyektong Quick-Build ng Leavenworth at Golden Gate ng magkasamang kampanya para sa pag-abot sa nakararami, kasama na ang open house na ito. Pahihintulutan nito ang may koordinasyong mga diskusyon tungkol sa mga usapin sa kaligtasan sa trapiko at pangangailangan sa pagsasakay. 

 Para makita ang Golden Gate Open House, mag-klik dito. 

Sa dulo ng pahinang ito, iimbitahin kayong magbigay ng opinyon sa isa man o sa dalawang quick-build na proyekto ng Tenderloin sa pamamagitan ng aming online na sarbey. Puwede rin ninyong i-klik ang “Opinyon” sa toolbar na nasa itaas para direktang pumunta sa seksiyon na iyon.

Ang Tenderloin ay komunidad kung saan napakaraming tao kung ihahambing sa laki ng lugar at may diversity o pagkakaiba-iba ang mga nakatira, at matatagpuan ito sa pinakasentro ng San Francisco. Tahanan ito ng ilang komunidad, at marami sa kanila ang nagbibiyahe sa kabuuan ng Lungsod nang hindi gumagamit ng kotse. Gayon pa man, hindi napadadaloy nang mahusay ng kasalukuyang disenyo ng kalye ang pagbibiyahe nang hindi gumagamit ng kotse o sasakyang de-motor. Kinakaharap ng mga naglalakad at nagbibisikleta ang masikip na trapiko at agresibong asal sa pagmamaneho habang dumaraan sa mga kalye. 

*Mangyaring bigyan ng ilang minuto ang application na mag-load habang nag-iiscroll kayo sa mga mapa na nasa ibaba.

Ang Tenderloin ang tahanan ng marami sa pinakabulnerableng populasyon ng San Francisco -- mga taong may kulay, matatanda, bata, indibidwal na napakabababa ng kita, imigrante, indibidwal na nahihirapan dahil sa sakit sa isip at/o adiksiyon, at mga indibidwal na nakararanas ng kawalan ng tahanan. Wala sa proporsiyong naaapektuhan ang mga grupong ito ng malalalang pinsala at pagkasawi nang dahil sa trapiko.

Nitong nakaraang limang taon, nagkaroon na ng ilang pagsusumikap upang mapaghusay pa ang kaligtasan sa trapiko sa komunidad, kasama na ang  proyektong Safer Taylor  at ang pagsusumikap para sa pag-iilaw sa araw (daylighting) at pagpapalit ng dalas ng pagpapalit ng ilaw (signal retiming) sa kabuuan ng komunidad. Gayon pa man, patuloy ang pagkakaroon ng Tenderloin ng pinakamataas na porsiyento ng malalala at nakamamatay na pagkakapinsala sa mga naglalakad sa Lungsod. Ito ang dahilan kung bakit may pangako ang SFMTA na magkaroon ng mas ligtas na mga kalye sa Tenderloin gamit ang aming Quick-Build toolkit (mga kagamitan para sa mabilisang konstruksiyon).

Ang mga proyektong quick-build ay mga pagpapahusay para sa kaligtasan sa trapiko na nababago-bago at naiaayon, at puwedeng mas mabilis na maisagawa ito ng mga kawani ng lungsod gamit ang pintura sa kalye, street bollards (mabababang pangharang na poste) at pantrapikong karatula. Kaiba sa malakihang capital projects (pagpapahusay sa mga istruktura) na posibleng abutin ng taon-taon sa pagpaplano, pagdidisenyo, pagbi-bidding at konstruksiyon, naisagagawa ang mga proyektong quick-build sa loob ng ilang buwan at napag-aaralan, nagagawan ng  ebalwasyon , at naiaayon sa loob ng takdang panahon na 24 buwan matapos ang pagsisimula ng konstruksiyon.

Puwedeng matugunan ang karamihan sa mga problema sa kaligtasan sa trapiko na nakikita natin sa Tenderloin sa pamamagitan ng mga pagpapahusay na quick-build. Bagamat karaniwan nang maliit ang gastos sa quick-builds at gumagamit ang mga ito ng materyales na low-impact (hindi nagdudulot ng pinsala sa kapaligiran ang paggamit), nakalilikha ito ng napaka-epektibong mga resulta. Gumaganap ng mahalagang papel ang pag-abot sa nakararami sa komunidad at ang paglahok ng mga tao sa komunidad sa pagtitiyak na naaangkop na nakatutugon ang mga proyektong quick-build sa mga pangangailangan ng magkakakalapit-bahay. 

Para sa iba pang impormasyon, pakibisita ang  SFMTA.com/QuickBuild .

Sa kasalukuyan, daan na may tatlong lane at dalawang lane na paradahan sa magkabilang gilid ang Leavenworth na nasa pagitan ng McAllister at Post streets. Bagamat 25 milya lamang kada oras ang legal na limitasyon sa bilis ng sasakyan sa koridor na ito, may kasaysayan ito ng napakabilis na pagpapatakbo ng sasakyan, na nagresulta na sa malalalang pinsala at nakamamatay na banggaan at pagkakabundol. Hangad ng Leavenworth Quick-Build Project na:

• Paghusayin ang kaligtasan sa trapiko sa Leavenworth Street
• Paghusayin ang pagsasakay ng mga negosyo, pagsakay ng mga pasahero at pamamahala sa gilid ng bangketa sa Leavenworth
• Bawasan ang bilang ng mga banggaan at pagkakabundol sa pagitan ng mga naglalakad, nagbibisikleta, at sumasakay sa pampublikong transportasyon at ng mga nagmamaneho sa koridor.

Nagsagawa ang SFMTA ng mga pagpapahusay sa Golden Gate, Ellis, Jones, at Turk streets upang higit na makapagkaloob ng napakahahalagang serbisyo at magkaroon ng pisikal na pagdidistansiya. Dahil sa pangangailangan sa mga kawani para masuportahan ang mga pagsusumikap na may kaugnayan sa COVID-19 at nang higit na makakuha ang mga tao ng kailangang-kailangang mga serbisyo at lalo pang magkaroon ng pisikal na pagdidistansiya, ibinaling ng mga pangkat para sa quick-build ng SFMTA ang kanilang atensiyon sa pagsuporta sa trabahong ito nitong nakaraang tag-araw at taglagas ng 2020. 

Para sa iba pang impormasyon tungkol sa mga pagsusumikap sa panahon ng COVID-19 na nagaganap sa Tenderloin, mangyaring bumisita sa  SFMTA.com/TLStreets .

Kasalukuyang sinisiyasat ng SFMTA ang dalawang posibleng disenyo upang mapahusay ang kaligtasan sa trapiko sa Leavenworth Street kaugnay ng mga quick-build toolkit na mga hakbang na nabanggit sa itaas. Makatutulong ang paggamit sa mga opinyong natanggap mula sa virtual open house na ito, kasama ng mga limitasyon sa pag-iinhinyero, upang mapagpasyahan ang mas pipiliing opsiyon sa disenyo para sa Leavenworth Street. Ang disenyo na ito ay dadalhin sa isang pormal na pagdinig sa publiko sa unang bahagi ng 2021.

Kasama sa mga opsiyon ang: road diet na may malalapad na buffer at road diet na may bagong malalakarang espasyo sa naka-target na mga bloke. Nasa ibaba ang mga larawan na nagpapakita kung ano ang magiging hitsura ng koridor sa halimbawang bloke, kasana na ang posibleng mga kapalit na kaugnay ng bawat disenyo.

Para makita ang mga opsiyon sa disenyo, gamitin ang sliders para maipaghambing ang kasalukuyang disenyo at ang mga mungkahing alternatibo. Kapag nakita na ninyo ang mga alternatibo, ipagbigay-alam sa amin ang mga opsiyon na mas gusto ninyo sa seksiyon na “Opinyon” na nasa ibaba.

Kasama sa mungkahing ito ang pagbabawas ng lane (mula sa tatlong lane tungo sa dalawang lane) na magbibigay ng akomodasyon sa tindi ng trapiko bago pa ang COVID, at maghihikayat sa mas ligtas na bilis ng takbo ng mga sasakyan. 

Katulad ng nakaraang disenyo (Ideya A), kasama sa mungkahing ito ang pagbabawas ng lane (mula sa tatlong lane tungo sa dalawa). Papalitan ang gamit ng isang lane para sa pagbibiyahe at ng isang lane na paradahan upang magkaloob ng bagong malalakarang espasyo, na poprotektahan ng konkretong hadlang - na katulad ng disenyo na nasa Jones Street ngayon. Pakitandaan na isasaalang-alang ang pagkakaroon ng karagdagang malalakarang espasyo sa mga bloke na mas marami ang naglalakad, tulad ng mga bloke na nasa pagitan ng Ellis hanggang McAllister streets.

Maglalagay ng mas malaking buffer sa isang gilid ng kalye sa mga bloke na hindi papalitan ang gamit, at nang makapagbigay ng bagong malalakarang espasyo, na katulad ng nasa Ideya C (nasa ibaba). Magkakaloob ang buffer na ito ng kakayahang magpabago-bago para sa pagpaparada at pagsasakay at dagdag na espasyo sa pagtatabi ng sasakyan sakaling kailangang dumaan ng mga sasakyang pang-emergency.

Katulad ng nakaraang disenyo, kasama sa mungkahing ito ang pagbabawas ng lane (mula sa tatlong lane tungo sa dalawa). Maglalagay ng mas malaking buffer sa isang bahagi ng kalye at nang magkaroon ng kakayahang magpabago-bago para sa pagpaparada at pagsasakay at dagdag na espasyo sa pagtatabi ng sasakyan sakaling kailangang dumaan ng mga sasakyang pang-emergency.

Salamat po sa pagbisita sa aming open house!

Matapos mapag-aralan ang mga opsiyon para sa disenyo ng kalye sa itaas, mangyaring ipagbigay-alam sa akin kung alin ang mas gusto ninyo sa pamamagitan ng pagki-klik ng button na nasa ibaba. Puwede ninyong tingnan ang PDF na bersiyon ng mga larawan dito. 

 Pakibigay ang inyong opinyon dito. 

Bagamat live (nagaganap sa oras mismo ng panonood) ang Open House, puwedeng maugnayan ang mga kawani sa pamamagitan ng email, at puwede rin kayong direktang makipag-usap sa Mga Pangkat para sa Proyekto (Project Teams) sa pamamagitan ng pagdalo sa mga oras ng pag-oopisina sa isa sa mga panahong nakalista sa ibaba.

 Pumunta sa mga Oras ng Pag-opisina. 

May iba pa ba kayong tanong, komento, o inaalala na hindi nasagot dito?

I-email sa amin sa  TLStreets@sfmta.com  ang inyong opinyon. 

Ang mga komento at tanong na natanggap sa loob ng isang linggo ay sasagutin at ipapaskil sa webpage na ito bago sumapit ang 5pm ng susunod na Biyernes. Bumalik muli upang makita ang mga natanggap na komento at sagot sa mga tanong. 

 Tingnan ang mga natanggap na komento/tanong. 

Para manatiling naka-ugnay, bumisita sa sfmta.com/TLStreets o magpalista para sa pinakabagong impormasyon gamit ang button na nasa ibaba.  

 Kontakin kami para makakuha ng pinakabagong impormasyon!