Ke Kula ʻo ʻEhunuikaimalino - Moʻolelo Hoʻonui Kahua Kula
E hoʻi hou mai i mau nūhou aʻe!
Ka Nuʻukia He honua Mauli Ola Hawaiʻi me ka mākaukau pū e holomua ma ke ao nei. The Vision A learning community where Mauli Ola thrives and students are prepared to flourish in the western world.
Ua hui pū Ke Kula ʻo ʻEhunuikaimalino (KKOE) me ka University of Hawaiʻi Community Design Center (UHCDC) i mea e hōʻolokeʻa aku ai i kekahi hoʻolālā hikiāloa ʻana no ke kula, a i hoʻolako hoʻi i kekahi mau manaʻo no ka hoʻonui ʻana i ke kahua kula ma kekahi mau ʻanuʻu ʻokoʻa. He hana kēia e kūkulu nei ma luna o ke kahua i hoʻokumu ʻē ʻia e ka hui hana, a me ka ʻohana KKOE ma kō lākou mau makahiki ʻo ke kūkā hoʻolālā ʻana. Ke mālama mau ʻia nei kēia paena punaewele me ka ʻike hou loa no kēia papahana. E kāomi mai i kēia poʻe loulou o lalo nei i ʻike i ka paena punaewele ma o ka ʻŌlelo Hawaiʻi a i ʻole ka ʻŌlelo Pelekānia.
Nūhou
February 2023 HI-DOE Update via Zoom Date TBD Site Planning & Design Workshop In-Person (KKOE Cafeteria)
No KKOE
He Kula Kaiapuni ʻo Ke Kula ʻO ʻEhunuikaimalino no nā papa K-12 ma Kealakekua, ma ka mokupuni ʻo Hawaiʻi. Mālama ke kula i nā haumāna mai Waikoloa ā hiki i Nāʻālehu ma loko o ka Huina Kula ʻo Honokaʻa-Kealakehe-Kohala-Konawaena. Ua hoʻokumu ʻia ke kula i ka MH 1995, a hoʻoneʻe ʻia kahi ona he mau manawa. Aia ke kula ke waiho nei i kēia manawa ma kona kahua kula ponoʻī ma kahi kokoke i Konawaena School.
Oia nui aʻe o ka heluna haumāna ma KKOE mai ka wā ʻo kona hoʻokumu ʻia ʻana, a wānana ʻia ka mau ʻana o kēia ulu ʻana i nā makahiki 5 e hiki mai ana. Ua pilikia naʻe nā kumuwaiwai i kēia ulu ʻana aʻe, e laʻa me ka lawa ʻole o ka lumi ma nā lumi papa; ke mālama ʻia nei nā papa ʻānō ma ka 170% o ka pihaʻū. Ke ʻimi nei ʻo KKOE i kahua kula hou, me ka manaʻo hoʻi he mea nui kahi o ka ʻāina, ka mālama ʻana i ia ʻāina no ka manawa lōʻihi, a me nā pahuhopu aʻo Hawaiʻi.
Mikala Fernandez, OHAHawaii, May 20, 2015, Ke Kula ʻo ʻEhunuikaimalino, [Video] Youtube.com
Ka Moʻolelo o Ke Kula ʻO ʻEhunuikaimalino
1990-1994
Hoʻokumu ʻia ka Pūnana Leo o Kona ma ke ʻano he kula uku no nā kamaliʻi, ma uka o Keauhou.
1994-1996
Hoʻokumu ʻia ke Kula Kaiapuni Hawaiʻi o Kona ma ke ʻano he kula aupuni.
1995-1996
Mālama ʻia nā papa a ke Kula Kaiapuni Hawaiʻi o Kona ma ke kahua o ka Pūnana Leo o Kona.
1996-1999
Hoʻoneʻe ʻia ke kahua no ke Kula Kaiapuni Hawaiʻi o Kona i Kealakehe Elementary School. Ua nui aʻe hoʻi ka heluna o ka poʻe kumu mai ka helu hoʻokahi a i ka ʻehā.
1999-2000
Hoʻoneʻe ʻia kahi o ke Kula Kaiapuni o Kona i Konawaena Elementary School. Nui aʻe ka helu o nā kumu he ʻelima.
2000-2001
Koho ʻia ke kahua no ke Kula Kaiapuni Hawaiʻi o Kona ma kahi o Konawaena Middle School.
2002-2003
Hoʻokahua ʻia Ke Kula ʻO ʻEhukaimalino ma ke ʻano he kula kaʻawale i waiho ʻia no ka manawa ma kahi kahiko o Konawaena Elementary School. Ma waena o ka poʻe hana, aia he Poʻokumu, he SASA, he kākau ʻōlelo, ʻeiwa mau kumu me kekahi mau kūlana no ka 0.5 Aʻo Haumāna Kīnānā a me ka 0.5 Kumu Aʻoaʻo.
2003-2004
Hoʻoneʻe ʻia Ke Kula ʻO ʻEhukaimalino i loko o ke kahua o Konawaena Middle School ma ke ʻano paʻa. I ia manawa, hoʻokumu ʻia nā kūlana no ka SSC manawa-piha a me ke Kahu Puke manawa-piha me kāna waihona puke. Kukulu ʻia he hale ʻaina hou, he lumi papa i hiki ke hoʻoneʻe ʻia, a he lumi hoʻopaupilikia hou.
2006-2007
Lilo ʻo Ke Kula ʻO ʻEhunuikaimalino he kula K-12 (he kula e aʻo ana mai ka papa Mālaaʻo a i ka papa 12.) Puka kula ka papa mua loa.
*He mau ʻike i ʻohiʻohi ʻia maiā FacGIS (hidoe.maps.arcgis.com)
*He mau ʻike i ʻohiʻohi ʻia maiā FacGIS (hidoe.maps.arcgis.com)
Nā Hopena o ka ʻAha Kūkā 2040
Ka Mākia
I māhuahua ai nā alakaʻi ʻōiwi ma kēia au e neʻe nei
I kukulu ai i ka pilina ma waena o ka ʻāina me kānaka
- I pili me ke kai
- I pili me ka uka
- I mau ʻili kahua hou aku
Ka Holomua ʻana me ke Kaiāulu
- I pili me nā hui kaiāulu no ke kōkua ʻana i nā ʻōpio;
- I loaʻa i kekahi hale kuke;
- Kahi e hui ai ke kaiāulu (Puʻuhonua o Hōnaunau);
- I mau pono lako nā ka mālama ʻana i nā papahana hāʻuki;
- I mau hale no nā kumu ma ke anapuni o ke kahua kula;
- I mau hale ma ke kaila Hawaiʻi o kēia au;
- I mau ʻāina mahi no ka mālama ʻana i ka ʻāina;
- I ʻenehana hou no nā lumi papa;
- I mālama i ke olakino ma ke ʻano Hawaiʻi: lāʻau lapaʻau, lomilomi &...
Moʻokūʻauhau Papahana
Malaki 2020
Hāpai ke Kenekoa ʻo Kanuha i ka ʻōlelo hoʻoholo no ke komo ʻāina ʻana i 5 mau ʻeka ma kahi o KKOE no ka hoʻonui ʻana i ke kahua kula.
Iulai 2020
Hoʻokaʻawale ka ʻAhaʻōlelo i ʻelua miliona mau kālā no ke komo ʻāina ʻana no KKOE.
ʻOkakopa 2020
Hoʻokuʻu ʻia ke kālā; ʻO ka mea minamina naʻe, lawe ʻia aku ua ʻāina 5 ʻeka lā mai ka mākeke mai.
ʻIanuali 2021
Hui ke Keʻena o ke Kenekoa ʻo Kanuha me kekahi mau pakanā i kūkā ai i ka hoʻokaʻawale ʻana i ke kālā he ʻelua miliona. Hoʻokumu ʻia ka Hui Hana KKOE ma ke ʻano paʻalula.
Iulai 2021
Hoʻoholo ka Hui Hana KKOE he pono ke lohe i nā manaʻo mai ke kaiāulu mai. Hoʻoholo ʻo HIDOE me ka Hui Mākua he pono e like nā manaʻo hoʻolālā me ka 2040 KKOE Vision Plan.
ʻAukake-Kepakemapa 2021
Mālama ʻia ʻehā mau ʻAha Kūkā me HIDOE, nā poʻo o KKOE, nā kumu, kākoʻo, ka Hui Mākua a me nā haumāna.
Kepakemapa 2021
Hoʻouna ke Kenekoa ʻo Kanuha i ka memo iā HIDOE (Assistant Superintendent Tanaka mā) no ka hoʻolālā ʻana no kō KKOE wā e hiki mai ana.
Iune 2022
Hoʻomaka ʻo UHDC i kekahi huli ʻana me ka manaʻo:
E hoʻopaipai i nā pakanā e noʻonoʻo ai i kekahi papa hana no ka hoʻonui ʻana i ke kahua kula ma ka ʻāina i wānana ʻia he 5-ʻeka ma kahi o ke kahua kula e hoʻohana ʻia nei ʻānō, me ka hoʻokō ʻana i ia papa hana ma kekahi mau ʻanuʻu moekahi.
E hoʻolālā i ka papa hana me ka manaʻo i like loa me nā pahuhopu a me nā loina o ke kula.
E haku i nā kiʻi a palapala i pono no ka holomua ʻana, nā noi kālā, a me ke kōkua ʻana i nā hui hakulau o ka wā e hiki mai ana.
Ahupuaʻa Kalukalu & Kanakau
Aia Ke Kula ʻo ʻEhunuikaimalino e noho nei ma loko o ke ahupuaʻa ʻo Kalukalu. Aia ka ʻāina 5-ʻeka i hoʻolale ʻia no ke kahua kula hou ma ke ahupuaʻa kokoke ʻo Kanakau.
*ʻAʻole i pau nā palapala ʻāina no nā ahupuaʻa a me nā wahi pana.
E hoʻi hou mai i mau nūhou hou aʻe!
Hawai'i Island
Hawaʻi island is divided into six moku (Hilo, Puna, Kaʻū, Kona, Kohala, and Hāmākua). Further, Ke Kula ʻO ʻEhunuikaimaliino is located within the moku of Kona.
[click image for higher resolution]
- Aʻole i pau i ka unuhi ʻia -
South Kona
Kona is subdivided into two regions, north and south Kona. South Kona stretches from the Ahupuaʻa o Keʻekeʻe to Kaulanamauna. Over time, ahupuaʻa boundaries have shifted, pushing the proposed site to stretch between the boarders of Kalukalu and Kanakau. However, the existing site of Ke Kula ʻO ʻEhunuikaimalino is recorded to be in Kalukalu and Onouli 1, which is the uppermost region of South Kona.
[click image for higher resolution]
- Aʻole i pau i ka unuhi ʻia -
Ahupuaʻa Kalukalu & Kanakau
The existing campus of Ke Kula ʻO ʻEhunuikaimalino is within the ahupuaʻa of Kalukalu. The 5-acre parcel intended for campus expansion is located in the adjacent ahupuaʻa of Kanakau.
[click image for higher resolution]
- Aʻole i pau i ka unuhi ʻia -
1901
Ke Kula ʻO ʻEhunuikaimalino is currently seen here in Onouli 1. The boundaries are established to define Kanakau, Kalukalul, Onouli 1 and 2. Konawaena School is seen in Kalukalul. Nearby, approximate area for sugar plantations are seen north of the current school.
[click image for higher resolution]
- Aʻole i pau i ka unuhi ʻia -
1924-1925
The proposed site is seen in Kalukalu with Konawaena school road and Konawaena school marked along the boarder of Kalukalu and Onouli. Puu Lehua trail is marked running across the region and up north toward Hokukano Tract
[click image for higher resolution]
- Aʻole i pau i ka unuhi ʻia -
1960
Onouli 1 and 2 boundaries are not defined within this map, however Konawaena School building foot prints are noted along with adjacent water sources. Puu Lehua trail is now marked as a jeep trail and rock walls are verified to run near ahupuaʻa boundaries. Within this map, the main highways are also marked.
[click image for higher resolution]
- Aʻole i pau i ka unuhi ʻia -
1970s
The series of images show boundaries, or possible property lines, that align with the rock wall markings within the previous maps recorded in 1924-1925 as well as within the 1960s. Existing developments such as Konawaena school, Japanese school and also the nearby cemetery are depicted along with main highways.
[click image for higher resolution]
- Aʻole i pau i ka unuhi ʻia -
1996
Halekii, Kanakau, Kalukalu and Onouli boundaries are highlighted along with Mamalahoa highway. The water tank southeast of the school and cemetery stretching along side of the highway are recorded. Near by building footprints are also visible along with existing avenues and rock wall boundaries.
[click image for higher resolution]
- Aʻole i pau i ka unuhi ʻia -
Wahi Pana
Areas noted throughout the ahupuaʻa Onouli, Kalukalu, and Kanakau include heiau, water sources, and other places of significance. Surrounding Ke Kula ʻO ʻEhunuikaimalino and the proposed campus expansion site, there are many wahi pana both included in the map and beyond.
[click image for higher resolution]
- Aʻole i pau i ka unuhi ʻia -
Kauwahi ʻIke no ka ʻĀina
He ʻāina 5-ʻeka ka ʻāina i hoʻolale ʻia mai e waiho nei ma ka ʻākau pono o ke kahua o Konawaena School. Hoʻohui ʻia kēia ʻāina me ka Hawaiʻi Belt Road (Ke Alaloa Māmalahoe) ma o kekahi alanui i ʻae ʻia e ka ʻona o ka ʻāina.
Ka ʻĀina Hou he 5 ʻEka
He huinahā lōʻihi ka ʻāina 5-ʻeka me kahi ihona mai ka hikina ā i ke komohana. Aia ua ʻāina lā ma lalo o haʻi i kēia manawa, e hoʻohana ʻia nei ma ke ʻano he kula holoholona.
He Hoʻohālikelike ʻana i nā ʻĀina ʻElua
Pālua ā ʻoi ka nui o ka ʻāina 5-ʻeka ma mua o ke kahua kula o kēia manawa.
Ka Waihona ʻĀina o ke Kahua Hou
Pono e noʻonoʻo i ke ʻano o ka waihona ʻāina no ka hoʻolālā ʻana i ke kahua hou.
Kahi Maikaʻi no ke Kūkulu ʻana
E hoʻoheʻe aʻe i ka ʻaukā i hōʻike ai i nā wahi ihona o ke kahua. He hōʻike ka ʻōmaʻomaʻo no nā wahi maikaʻi loa no ke kūkulu ʻana ʻānō, a he hōʻailona ka ʻulaʻula no nā wahi kūnihinihi, kahi paʻakikī loa hoʻi ʻo ke kūkulu ʻana.
E kāomi iā luna o kekahi kiko i mau ʻike no kona wahi
Huakaʻi
Huakaʻi. Click to expand.
E lolelole iho a huakaʻi hele pū kākou!
Huakaʻi: Kahi 1 Ke Kula o Konawaena
Huakaʻi: Kahi 1 Ke Kula o Konawaena. Click to expand.
Huakaʻi: Kahi 2 Ke Kula ʻO ʻEhunuikaimalino
Huakaʻi: Kahi 2 Ke Kula ʻO ʻEhunuikaimalino. Click to expand.
Penei ka ʻāina i kēia manawa; TMK: 381,002,038; ma 2.488 ac
Huakaʻi: Kahi 2 Ka ʻĀina Hou he 5 ʻEka
Huakaʻi: Kahi 2 Ka ʻĀina Hou he 5 ʻEka. Click to expand.
TMK: 381,002,071 ma kahi o ka 5.2 ʻeka.
Huakaʻi: Kahi 3
Huakaʻi: Kahi 3. Click to expand.
Aia kahi i ana ʻia he 100 kp. i ʻae ʻia ka hōʻea ʻana i loko o ke kahua kula hou mai ke alaloa mai, ʻaʻole pono ka hele ʻana ma o ka ʻāina a Kona Hills ma kahi o ke kahua i kēia manawa.
Huakaʻi: Kahi 4
Huakaʻi: Kahi 4. Click to expand.
Ka ʻikena mai ka palena pā o uka e nānā ana i kai. He wahi ihona ko ka māhele luna o ka ʻāina. Aia kekahi alanui ma waho pono o ka palena pā.
Huakaʻi: Kahi 5
Huakaʻi: Kahi 5. Click to expand.
Ka ʻikena i ka nānā ʻana i uka. Ma kēia ʻaoʻao, aia kekahi wahi ʻano pālaha i piha i ka ʻiliʻili liʻiliʻi. He ʻikena ko laila i ke kai, i hiki paha ke kukulu ʻia kekahi mau mea i ka wā e hiki koke mai ana.
Huakaʻi: He Hale e kū ala
Huakaʻi: He Hale e kū ala. Click to expand.
Aia he hale (1 lumi moe, 1 lumi ʻauʻau) e kū ala me ka ʻole o ka uila ma ka huina komohana-ʻākau o ka ʻāina.
Huakaʻi
E lolelole iho a huakaʻi hele pū kākou!
Huakaʻi: Kahi 1 Ke Kula o Konawaena
Huakaʻi: Kahi 2 Ke Kula ʻO ʻEhunuikaimalino
Penei ka ʻāina i kēia manawa; TMK: 381,002,038; ma 2.488 ac
Huakaʻi: Kahi 2 Ka ʻĀina Hou he 5 ʻEka
TMK: 381,002,071 ma kahi o ka 5.2 ʻeka.
Huakaʻi: Kahi 3
Aia kahi i ana ʻia he 100 kp. i ʻae ʻia ka hōʻea ʻana i loko o ke kahua kula hou mai ke alaloa mai, ʻaʻole pono ka hele ʻana ma o ka ʻāina a Kona Hills ma kahi o ke kahua i kēia manawa.
Huakaʻi: Kahi 4
Ka ʻikena mai ka palena pā o uka e nānā ana i kai. He wahi ihona ko ka māhele luna o ka ʻāina. Aia kekahi alanui ma waho pono o ka palena pā.
Huakaʻi: Kahi 5
Ka ʻikena i ka nānā ʻana i uka. Ma kēia ʻaoʻao, aia kekahi wahi ʻano pālaha i piha i ka ʻiliʻili liʻiliʻi. He ʻikena ko laila i ke kai, i hiki paha ke kukulu ʻia kekahi mau mea i ka wā e hiki koke mai ana.
Huakaʻi: He Hale e kū ala
Aia he hale (1 lumi moe, 1 lumi ʻauʻau) e kū ala me ka ʻole o ka uila ma ka huina komohana-ʻākau o ka ʻāina.
No UHCDC - University of Hawaiʻi Community Design Center
He ʻoihana aʻo ʻo UHDC i hoʻokumu a alakaʻi ʻia e ke Keʻena Kuhikuhipuʻuone ma ke Kulanui o Hawaiʻi ma Mānoa.
Hoʻolako mākou i ka hoʻolālā ʻana i loaʻa ai i nā pakanā he hoʻoholo like o ka manaʻo, he mau ʻike, he mau kālailai ʻana, he mau kāmua, he mau ʻike kūhohonu, a he mau ʻano kiʻi like ʻole no ke alakaʻi pū ʻana i ka holomua ʻana o ka papahana.
Proof of Concept
ʻO ke ʻano o kēia hōʻoia ʻana i ka manaʻo, he ʻimi noiʻi, he hoʻolālā, a he hakulau ma mua o ke kiʻi ʻana i ka ʻāina. Eia iho kekahi mau ʻano o kā mākou hana, ʻaʻole naʻe i pau ka palena ma laila; ka hoʻoholo like ʻana o nā manaʻo o nā pakanā, ka hui ʻana me ke kaiāulu, ka ʻimi noiʻi ʻana, ka hakulau, ka hoʻolālā ʻana i mau kāmua, a me ka wānana ʻana i mau kumukūʻai no ke kōkua ʻana ma mua o ka hai ʻia ana o kekahi hui hoʻolālā a hui hakulau paha o ke ʻano oihana maoli.
